Ang Iglesia ni Cristo na lumitaw sa Pilipinas ay sa Diyos at kay Cristo

Ang Iglesia ni Cristo sa Pilipinas

 

KARAMIHAN SA MGA TAO’Y NAIS na maging 100 porsiyentong tama at tiyak sa anumang gawain nila. Ito nga ay totoo pagdating sa paggawa ng mga desisyon sa mga bagay-bagay ukol sa kanilang pang-araw-araw na buhay. Ngunit, hindi ba dapat silang maging mas maingat pagdating sa espirituwal na mga bagay, tulad ng pagpili nila ng relihiyon? Sapagka’t, mahalaga na maging tunay na 100 porsiyento ang kapanatagan na ang relihiyon na pinagpasiyahan niyang aniban ay saDiyos at kay Cristo. Ito ay dahil sa ang isang malaking pagkawasak ay matutupad sa mga nalinlang na umanib sa mga huwad na relihiyon, samantalang ang isang dakilang pagpapala ay naghihintay sa mga kabilang sa tunay na relihiyon.

         Kami, na mga miyembro ng Iglesia ni Cristo na lumitaw sa Pilipinas sa mga huling araw na ito, ay sumasampalataya na ang Iglesiang ito lamang ang tunay na nauukol sa Diyos at kay Cristo na napatunayan sa pamamagitan ng katuparan ng mga hula ng Biblia tungkol sa pagkakatatatag nito.

IGLESIANG KAY CRISTO

Si Cristo at ang Kaniyang mga Tupa

Hinulaan ni Cristo ang tungkol sa Kaniyang ibang mga tupa o mga alagad, na sa hinaharap sa mga huling araw na ito, ay magiging isang kawan:

JOHN 10:16 "I have other sheep too. They are not in this flock here. I must lead them also. They will listen to my voice. In the future there will be one flock and one shepherd." [Easy-to-Read Version]

Pagkakaliwat sa Filipino:

JUAN 10:16 "Mayroon pa akong ibang mga tupa. Sila ay wala [pa] sa kawan na ito rito. Kinakailangang dalhin ko rin sila. Makikinig sila sa aking tinig. Sa hinaharap ay magkakaroon ng isang kawan at isang pastol."

Ang kawan natinutukoy sa hula ng Panginoong Jesus ay walang iba kundi ang Iglesia ni Criso:

ACTS 20:28 "Take heed therefore to yourselves and to all the flock over which the Holy Spirit has appointed you overseers, to fee the CHURCH OF CHRIST which he has purchased with his own blood." [George M. Lamsa Translation]

Pagkakaliwat sa Filipino:

GAWA 20:28 "Ingatan ninyo kung gayon ang inyong mga sarili at ang buong kawan na rito’y hinirang kayo ng Espiritu Santo na mga katiwala, upang pakanin ang IGLESIA NI CRISTO na binili niya ng kaniyang sariling dugo."

ANG LUGAR AT PANAHON AYON SA BIBLIA

Ang Malayong Silangan

Unang Digmaang Pansanlibutan (1914)

Bakit namin natitiyak na ang kinatuparan ng hinulaang "ibang mga tupa" ni Cristo, ay ang Iglesia ni Cristo nalumitaw sa Pilipinas sa ating panahon? Saan ba magmumula ang “ibang mga tupa” ni Cristo o ang mga anak ng Diyos? Liliwanagin iyan sa atin ng kaugnay na hula ng Biblia:

ISAIAH 43:5 "From the far east, will I bring your offspring, and from the far west, I will gather you." [James Moffatt, A New Translation of the Bible Containing the Old and New Testaments, New York: Harper Brothers Publishers, © 1954]

ISAIAH 43:6 "I will say to the north, ‘Give them up!’ And to the south, ‘Do not keep them back!’ Bring My sons from afar, And My daughters from the ends of the earth—" [New King James Version]

Pagkakaliwat sa Filipino:

ISAIAS 43:5 "Mula sa malayong silangan, aking dadalhin ang iyong supling, at mula sa malayong kanluran, Akin kang pipisanin."

ISAIAH 43:6 "Aking sasabihin sa hilagaan, ‘Bayaan mo sila!’ At sa timugan, ‘Huwag mo silang pigilan!’ Dalhin mo [rito] ang Aking mga anak na lalake mula sa malayo, At ang Aking mga anak na babae mula sa mga wakas ng lupa—"

Ayon sa nasabing hula , Ang mga anak ng Diyos ay magmumula sa Malayong Silangan. Ang Pilipinas ba ay matatagpuan sa Malayong Silangan? Oo. Bilang pagpapatunay na rin ng aklat na ito:

"Far East: It comprises Australia, Cambodia, China, Indonesia, Japan, Laos, Malaysia, Myanmar, New Zealand, North Korea, the Philippines, Singapore, South Korea, Taiwan, Thailand and Vietnam." [The New York Times Manual of Style and Usage, pp. 129]

Sa katunayan, ang katuparan ng hulang ito ay ang Iglesia ni Cristo na lumitaw sa Pilipinas. Hindi lamang ang lugar ng pinagmulan ng iba pang mga tupa ni Cristo ang nahulaan kundi pati na rin ang panahon ng kanilang paglitaw—"mga wakas ng lupa."

Kailan ba ang panahong "mga wakas ng lupa"? Ito ay sa panahong ang katapusan ng mundo o ng lupa ay malapit na. Niliwanag ng ating manunubos:

MATEO 24:3, 33 "At samantalang siya'y nakaupo sa bundok ng mga Olivo, ay nagsilapit sa kaniya ng bukod ang mga alagad, na nagsisipagsabi, Sabihin mo sa amin, kailan mangyayari ang mga bagay na ito? At ano ang magiging tanda ng iyong pagparito, at ng katapusan ng sanglibutan? ... Gayon din naman kayo, pagka nangakita ninyo ang lahat ng mga bagay na ito, ay talastasin ninyo na siya'y malapit na, nasa mga pintuan nga." [ANG BIBLIA: Dating Salin, 1905]

Sinabi sa atin ng Panginoong JesuCristo na isa sa mga unang palatandaan na makikita kapag ang oras ay "nasa mga pintuan na" o "sa mga wakas ng lupa", ay digmaan na maririnig o mapapabalita—isang digmaang sukat-pandaigdigan:

MATEO 24:6-8 "At mangakakarinig kayo ng mga digmaan at mga alingawngaw ng mga digmaan; ingatan ninyona huwag kayong magulumihanan: sapagka't kinakailangang ito'y mangyari datapuwa't hindi pa ang wakas. Sapagka't magsisitindig ang bansa laban sa bansa, at ang kaharian laban sa kaharian; at magkakagutom at lilindol sa iba't ibang dako. Datapuwa't ang lahat ng mga bagay na ito ay siyang pasimula ng kahirapan." [ANG BIBLIA: Dating Salin, 1905]

Ang kinatuparan ng digmaan na hinulaan ni Cristo ay ang Unang Digmaang Pansanlibutan noong 1914. Maging mga Bible scholars man ay makapagpapatunay nito:

"24:6-8a: Wars between nations, or even between kingdoms, is and has been a common occurrence. History has recorded famines at various times. There have been times of great disease epidemics. There have been earthquakes in the past, but increasingly so in the present day. Jesus tells his disciples, however to be awaiting a specific time during which all of these phenomena would be in evidence at the same time. The first such time in world history occurred during the years of World War I (1914-1918) and immediately following." [Matthew 24:6-8 Last Days Bible, footnote]

Pagkakaliwatsa Filipino:

"24:6-8a: Digmaan sa pagitan ng mga bansa, o maging sa pagitan ng mga kaharian, ay isang pangkaraniwang pangyayari. Naitala sa Kasaysayan ang mga tagguton sa magkakaibang panahon. Mayroon ding panahon ng mga malalang epidemya ng sakit. Nagkaroon na ng mga paglindol sa nakaraan, ngunit mas lumalala pa sakasalukuyan. Sinabini Jesus sa kaniyang mga alagad, gayunpaman ay naghihintay ng isang tiyak na oras na kung saan ang lahat ng mga palatandaang ito ay matutupad sa gayon ding panahon. Ang kauna-unahang pagkakataon sa kasaysayan ng daigdig ay naganap noong Unang Digmaang Pansanlibutan (1914-1918) at agad pang nasusundan."

Kaalinsabay ng pagsiklab ng Unang Digmaang Pansanlibutan, ang Iglesia ni Cristo ay nairehistro sa pamahalaan ng Pilipinas noong Hulyo 27, 1914. Samakatuwid, ang ibang mga tupa ni Cristo na darating mula sa Malayong Silangan sa panahong mga wakas ng lupa ay tumutukoy LAMANG sa mga kaanib sa Iglesia ni Cristo na lumitaw sa Pilipinas noong 1914.

KAISA KAY CRISTO

Sa hula sa Isaias 43:5-6, nilinaw na ang Diyos mismo ang magdadala ng Kaniyang mga anak na lalake at babae sa mga huling araw na ito. Kanino Niya sila dadalhin?

JUAN 6:44 "Walang taong makalalapit sa akin, maliban nang ang Amang nagsugo sa akin ang sa kaniya'y magdala sa akin; at siya'y aking ibabangon sa huling araw. " [ANG BIBLIA: Dating Salin, 1905]

Ang layunin ng Diyos sa pagdadala Niya ng Kaniyang mga anak kay Cristo Jesus ay upang sila’y pagsama-samahin o maging kaisa ng Kaniyang Anak (I Corinto 1:9 ABMBB). Ang pagkakaisang ito sa pagitan ni Cristo at ng mga ibinigay ng Diyos sa kaniya ay nasa iisang katawan o Iglesia:

COLOSAS 3:15 "Paghariin ninyo sa inyong puso ang kapayapaang kaloob ni Cristo, sapagkat iyan ang dahilan kung bakit kayo tinawag sa iisang katawan. Magpasalamat kayong lagi." [Ang Bagong Magandang Balita Biblia]

Anoba itong katawan na tinutukoy?

COLOSSIANS 1:18 "He is the head of his body, THE CHURCH; ..." [Today's English Version]

Pagkakaliwat sa Filipino:

COLOSAS 1:18 "Siya ang ulo ng kaniyang katawan, ANG IGLESIA; ..."

At dahil sa ang Iglesia ay katawan ni Cristo, nakatitiyak kami na ang Iglesiang tinutukoy ay ang Iglesia ni Cristo. Kaya, iyong mga hinulaan na ibang mga tupani Cristo na magmumula sa Malayong Silangan sa panahong mga wakas ng lupa na siyang mga tinawag ng Diyos at ipinagkaisa kay Cristo ay nasumpungan sa Iglesia ni Cristo nalumitaw sa Pilipinas.

ANG HINULAANG SUGO

Ang isa pa sa mga hula ng Biblia na natupad sa Iglesia ni Cristo na lumitaw sa Pilipinas ay patungkol sa isang tao na kinasangkapan sa pagpapasimula nito:

ISAIAS 46:11-13 "Na tumatawag ng ibong mangdadagit mula sa silanganan, ng taong gumagawa ng aking payo mula sa malayong lupain; oo, aking sinalita, akin namang papangyayarihin; aking, pinanukala, akin namang gagawin. Inyong dinggin ako, ninyong may mapagmatigas na loob; na malayo sa katuwiran: Aking inilalapit ang aking katuwiran, hindi maglalaon at ang aking pagliligtas ay hindi magluluwat: at aking ilalagay ang kaligtasan sa Sion na ukol sa Israel na aking kaluwalhatian." [ANG BIBLIA: Dating Salin, 1905]

Kapatid na Felix Y. Manalo
Ang Unang Tagapamahala ng Iglesia ni Cristo sa Pilipinas

Ito ang hula ng Diyos patungkol sa Kaniyang sugo sa mga huling araw na ito, ang Kapatid na Felix Y. Manalo. Bakit namin natitiyak na ang hulang ito ay pumapatungkol sa kaniya? Dahil sa pagkakabanggit nito tungkol sa lugar na kaniyang pagmumulan pati na rin ang kaniyang misyon o magiging gawain—" taong gumagawa ng payo [ng Diyos] mula sa malayong lupain;" na ang gawain ay naihalintulad pa sa “ibong mandaragit mula sa silangan.”

Ang terminong "malayong lupain sa silangan" na nabanggit sa hula na tumutugma sa "Malayong Silangan," na ang kinatuparan nga, gaya ng nabanggit na kanina, ay ang Pilipinas—ang bansa kung saan unang ipinangaran ng Kapatid na Felix Manalo ang Iglesia ni Cristo sa mga huling araw na ito. At saka, ang gawain ng sugo na siyang tatawagin upang dalhin ang katuwiran ng Diyos o ang evangelio (Roma 1:16-17) sa mga tao ay inihalintulad sa ibong mandaragit dahil ang mga taong dadalhin niya ay pinigil ng hilagaan at ng timugan:

ISAIAS 43:5-6 " Huwag kang matakot, sapagka't ako'y sumasaiyo: aking dadalhin ang iyong lahi mula sa silanganan, at pipisanin kita mula sa kalunuran; Aking sasabihin sa hilagaan, Bayaan mo, at sa timugan, Huwag mong pigilin; dalhin mo rito ang aking mga anak na lalake na mula sa malayo, at ang aking mga anak na babae na mula sa wakas ng lupa;" [ANG BIBLIA: Dating Salin, 1905]

Ang “hilagaan” na binanggit sa hula ay pumapatungkol sa relihiyong Protestante [Encyclopedia of World Religions, pp. 745]. Katunayan pa nga, iyong mga taong naging unang mga anak ng Diyos sa mga huling araw na ito ay sapilitang inagaw mula sa dalawang malaking relihiyon. Nakayanang gawin ito ng Kapatid na Felix dahil, gaya ng hinulaan, kaniyang "gagawin ang payo [ng Diyos]" sa pamamangitan ng pangangaral ng dalisay na mga salita ng Diyos (Awit 107:11) na nakasulat sa Biblia.

Lahat ng mga hula patungkol sa Iglesia ni Cristo at sa sugo ng Diyos sa mga huling araw na ito ay natupad. Pinatutunayan lamang nito, batay sa Biblia, na ang Iglesia ni Cristo na lumitaw sa Pilipinas noong Hulyo 27, 1914 ay sa Diyos at kay Cristo.

Ito ang dahilan kung bakit patuloy namin kayong hinihikayat, mga giliw naming mga mambabasa, na masugid sa paghahanap ng tunay na relihiyon at pagsamba sa Diyos. Sana ay mapaanib din kayo sa amin—gawin na po ang tama at tiyak na pagpapasiya upang maging karapat-dapat sa pagtatamo ng kaligatasan.